من حلم إلى حقيقة
مرحبا انا مصور فوتغرافي اسمي طارق عزالدين عمري ٢٠سنه بصور من ٥ اشهر حابب أشاركم تصويري
طبعا انا بلشت حلمي زي اي حلم.
بلشت التصوير على التلفون، اصحابي كانوا يمدحوا في تصويري وكانوا يحكوا لازمك كاميرا ،انا فكرت في الموضوع رحت حكيت للوالده حكيتلها كيف هاي الصوره وهاي الصوره ،امي تحكيلي كثير حلو، فكرت بفكرة الكاميرا وجميع الكاميرات غاليه.
لمحت للوالده بدي كاميرا، طبعا احنا وضعنا مش الوضع المساعد الحمدلله متوسط.
صارت تحدي بيني وبين امي اذا بصور النار على تلفون بتجيبلي كاميرا، جبتها بعد محاولات كثيره طبعا اعطتني فلوس الكاميرا .
لما جبتها انا ما بعرف انو عملية عين الوالده انا اخدتهمم، وقعت بلسانها بتحكي بدي احوش للعمليه، انا انتبهت فكنت بدي أبيعها هي منعتني وقالتلي انت راح تبدع خليها في ايدك وفرجيني كيف راح تجيب فلوس منها.
طبعا فتحت الكاميرا من هون وفي شاب رن علي بده جلسه صورته، ومن شخص لشخص من شخص لشخص وكسبت اسم في عمان صرت اطلع جلسات واصور وصرت اعمل عروض واصور، حوشت مبلغ نص حق الكاميرا وسلمته للوالده وعملت العمليه والحمدلله صارت احسن من اول، صار اسمي كبيير في سوق التصوير، ضليت مواصل رغم الانتقادات ، لكن انا بعامل الزبائن كإنهم من اهلي، في ناس نفسها تتصور بس ما معهم حق الجلسه، بصورهم وبخبرهم بس يصير معك اعطيني ما معك عادي.
طبعا صرت اتحدى المصورين، براقب صور المصورين و اروح اخترع صوره احلى
صرت اشوف تصوير الاجانب و اروح اقلد مع التعديل.
طبعا، تصويري وجميع الصور ما في عندي اضاءه ومافي عندي غير عدسة ١٨_٥٥ ومعروف ما بتصور منيح بس انا من غير اشي بعمل اشي، اكتشفت انو الشغله الي بتحبها واصل فيها وحاول قد ماتقدر قلل من تكاليف المال، انا حاليا بتعلم على التعديل على اليوتيووب.
