البنت الي بتلعب كرة قدم بتواجه صعوبات كثير من المجتمع، ومن الأهل أحيانًا، بسبب أفكار رجعية إنه كرة القدم بس للذكور، مش للإناث. وإنه البنت إلها حدود باختيار هوايتها وأشياء بتقدر تبدع فيها، وكذلك نشاطات بتقدر تعملها بيومها.
بدي أحكي عن مثال صغير بصير حاليًا، وهو إنه في بنات كثير بكون حلمهم لعب كرة القدم، وحتى من وهي صغيرة تكون لاعبة مشهورة وتجيها فرص ممكن تغيّر حياتها. لكن بسبب التفكير الرجعي عند بعض الناس، وخصوصًا الذكور الي بشوف إنه هو أحسن وأقوى من المرأة، مش من الناحية البدنية لكن من ناحية النفوذ، وممكن نحكي إنه لو شاف الذكر البنت أحسن منه بمجال معيّن رح ينكسر غروره والقاعدة الي ماشي عليها صارلها سنين.
فبصير يستخدم جمل تخليه يحس بهاد الغرور مرة ثانية مثل: “إنتِ مكانك المطبخ” أو “مكانك بالبيت”. وكذلك الأهل، الي عاشوا بزمن ما بدعم المرأة وبحددلها واجباتها ووظائفها بدون ما يعرفوها حقوقها.
بالنهاية كرة القدم ما بتخص جنس معيّن، كرة القدم مناسبة للإناث وللذكور. وبتمنى المجتمع يتقبل هادي الفكرة.
